KRISTIAN THALAI PAWL KAWNPUI CHHIMVENG BRANCH CHANCHIN - R. Laltlanzova Kawnpui Chhimveng
Kawnpui Chhimveng Branch KTP Chanchin hi sawi tur tam tak a awm thei ang. Amaherawhchu, chiang zawka chanchin chhuina tur rambuai (1966) hmalam ziaka chhinchhiahna hmuh tur a awm tawh loh avangin ziaka kan hmuh theih chin tlangpui chauh kan tarlang dawn a ni.
A DIN TAN DAN :
Kohhran Committee remtihnain kum 1935 June thla-ah nula leh tlangval ten inkhawmna an nei hrang a, a hmingah ‘Tlangval inkhawm’ tiin an sawi thin. Tlangval inkhawm tih ni mah se inkhwmte chu nula leh tlangval te an ni. Hetih hunlai vel hian nula leh tlangvalte chuan Kohhrana an tih tur an hai lova, thahnemngai takin an mawhphurhnate an thawk thin a ni.
Hun a lo kal zel a, Upa R. Zoduha (L) diary atanga kan hmuh angin, thalai inkhawm anga inkhawmna an neih hmasak ber hun chu August 22, 1941 (Zirtawpni zan) a ni. Thalai inkhawm chungchang Kohhran Committee-in a tuk August 23, 1941 (Inrinni) ah rel zuiin Committee thurel No.4-na ah hetiang hian kan hmu a,
‘Thalai inkhawm (Young People’s Meeting) neih kan remtihpui a, a ngaihtuahtu atan heng mite kutah hian lo awm rih sela kan ti.
(1) Saiduha (2) Saitawna (3) Zoduha (4) Maka (Darmaka) (5) Mangchhuana.’
Thalai pual bik a hranga inkhawm neih Kohhran Committee in a pawm ni August 23, 1941 (Inrinni) hi Kawnpui Chhimveng Branch KTP din tan hun atan pawm a ni. Hetih hun lai hian KTP din a la ni lova, Zoram hmun thenkhat Kohhran-ah Thalai Pawl anga ding pawh an awm ve hlawm. Hun lo kal zel a, ram pum huapin kum 1954-ah KTP din a lo ni ta a, Central KTP Golden Jubilee Souvenir ‘KTP LAMTLUANG’bu-a a lan dan chuan Branch KTP upa ber kan ni. (KTP din anih lai hian Mualvum awm lai a ni a, rambuai avangin kum 1967 ah Kawnpui ah sawikhawm a ni.)
RAWNGBAWLNA LAM :
1. THLARAU LAM RAWNGBAWLNA :
KTP hian Kohhran thatna turin hma lakna kawng hrang hrang a nei thin a, Kohhran hna thawh tihpuitlin anih theihna tur pawhin theih tawpin tan a la thin. Kohhran thlarau lam nun tla hniam tur pawh chawikan dan kawng a ngaihtuah fo thin a, Kum 1972 (Santen vei kum) khan Gospel Camping a buatsaih a, Kohhranin a hlawkpui em em a ni.
KTP member hnungtawlhte leh ruihhlo avanga harsatna tawkte pualin Camping siam a ni tawh bawk a, veng chhunga ruihhlo zuarte in-ah tawngtaina te hman thin a ni. Kohhran hmeichhia-te nen tang tlangin Kristian chhungkaw campaign Kohhran in tinah neih a ni tawh bawk. Kohhran member natna khirh tuar an awmin Br. Committee memberte leng in tawngpuipuina te neiin Pathian thu-a kawmna hun an hmang thin a ni. Kum eng emaw chen atang khan Evangelical Sub-Committee din a ni a, anni hmalakna hian Pathianni zan inkhawm ban apiangin tawngtai rualna neih thin a ni. A tul dan a zirin fehchhuah programme neiin hun an hmang bawk thin. Branch pum huapin Thawhtanni zan inkhawm ban leh Pathianni tlai fellowship-ah tawngtai rualna hman thin a ni bawk. Tin, a tul dan a zirin Pathianni tlaiah chaw nghei tawngtaina neih thin a ni.
Kum 2015 khan Kelkang harhna chhima kal a ni bawk a, hetah hian member 112 zet an kal thei a, Kohhran tan pawh a hlawkthlak hle a ni.
2. RAMTHAR LAM RAWNGBAWLNA :
KTP hian ramthar rawngbawlna hi a ngaipawimawh hle a, hun eng emaw chen atang khan Pathianni tlai fellowship-ah Missionary te pualin tawngtai thin a ni a, tawngtai thupui nghet atan hman a ni. Kawnpui Pastor Bial kan nih lai khan Tuikuk (Bru) naupang chawm lama hmalakna neih thin a ni a. Tin, Bial puma Missionary chawm thin a ni bawk a, hengahte hian sulsutu leh thahnemngai Branch kan ni thin.
Ramthara thawktute thawhna hmun ngeiah te kal chilhin, Kohhran hun pawimawh Krismas leh Good Friday-te hun hmanpui thin alo ni tawh a, tin, fehchhuah rawngbawlna Cachar leh Tripura Mission Field-ah te work camp neih a ni tawh bawk. Ramthar Biak ln sakna turin sum eng emaw zat sen a ni tawh bawk a, Masihi Sangati (Non-Mizo) zingah te pawh rawngbawlna hna thawh tawh thin a ni.
KTP member zingah Missionary a chhuak an awm thei zel a, tunah (Kum 2016) hian Missionary thawk lai 3 (Kum tir report angin) an awm mek a ni. Tin, Branch hmingin Missionary 4 chawm mek a ni bawk.
3. ZAIPAWL LAM RAWNGBAWLNA :
Zaipawl rawngbawlna hi KTP rawngbawlna peng pawimawh tak pakhat a ni awm e. Kohhran Committee in Branch KTP Committee hi Music Committee atan a ring mai thin a, eng emaw chang chuan Kohhran Committee in Music Committee a din chang a awm bawk. Zaipawl member atan KTP member a duh apiang tel thin a ni a, member in ruat chang a awm ve tawh bawk.
Zaipawl rawngbawlna hian Kohhran a tiphuisui a, Kohhran a timawi thin em em a ni. Kohhran mal mai bakah Presbytery leh Bial Inkhawmpui hunah te zai thin a ni a, Presbytery leh Bial huapa intihsiakna a awmin tel thin a ni bawk. Bial huap intihsiakna-ah lawmman pakhatna lak a ni fo tawh bawk. KTP hian Kohhran zai lama hmasawn theihna turin hma alo la fo tawh thin a, vawiin ni thleng hian ngaihtuahna a seng reng thin a ni.
4. SUM TUAK DAN :
KTP a din tirh atangin theih ang tawk leh phak ang tawkin sum tuak thin a ni a. Branch KTP hruaitu hmasa berte zing a mi Pu Saiduha (L) chuan KTP din tirh kum 1941-a an sum tuak dan pakhat a sawi chu, “Sum kan mamawh ve si a, chakai kan chhit a, kan man teuh mai a, hralhna tur kan hre leh si lova, Mualvum lalin min khawngaih a kan chakai man chu Re 1/- in min lei sak a ni,” tiin a sawi. Tunlai hun angah chuan cheng tam tak man a ni awm e. Tunlai hunah sum tuak dan a lo danglam ta a, kan khawsakna leh eizawnna milin sum kan tuak dan pawh a danglam ta hle a ni. KTP memberte Group hrang hrangah in thenin Group budget te ruahman a ni a, Branch huapa inhlawhna te, Faith Promise te hi Branch sum lakluhna hnar ber a lo ni ta.
Heng bakah hian Inkhawm thawhlawm te, Missionary pual thilpekte leh thildang atangin sum lakluhna kawng hrang hrang a awm thei awm e. Pathian khawngaihna a zarah kan mamawh tawk thawkchhuak theiin kan la awm a, memberte thahnemngaihna leh inpekna a vangin Pathian malsawmna kan dawng nasa hle a ni.
5. CHANCHINBU :
March 13, 1994 atang khan Branch chanchinbu ‘Thalai Thian’ tihchhuah thin a ni a, Pathianni tuk a piangin Kohhran in tinah sem thin a ni. Donation hmanga enkawl a ni a, vawiin ni thlengin tluang takin tihchhuah a ni. Tin, Kohhran hunpuiahte Special issue tihchhuah thin a ni bawk. Chanchinbu hi Kohhran mite tibengvartu ber pakhat a ni awm e. Branch in Computer leh Printer leiin chanchinbu buaipui nan leh Kohhran mamawh atan hman thin a ni.
6. RAWNGBAWLNA PENG DANGTE :
KTP hi Kohhran kut ke ber a ni a, Kohhran tihphuisui leh dawmkan hi a rawngbawlna pawimawh tak a ni. Kohhran tan theih ang angin sum leh pai, tha leh tui a seng a. Bungruate leiin Kohhran changtlun theih nan hma a la nasa em em a ni. KTP hna thawh leh bungraw leite hi sawi kim sen a ni awm lo ve.
Kum 2011 atang khan Kohhranin Biak In thar kan sa tan a, Kohhran Committee leh Building Committee ten Br. KTP mawhphurhna leh tih tur hrang hrang a pe thin a, nileng hnatlang te, zing leh zan thlega hnatlang neih thin a ni. Tin, Biak In sak anih tirh atang khan Branch budget ah kum tin Biak In sakna pual pawisa dah thin a ni bawk.
Vantlang tan theih ang tawkin rawngbawlna kalpui thin a ni a, veng chhung thianghlimna kawngah pawh hmalain mimal in-ah te tawngtaipuina hunte alo hmang tawh thin a, sual dona/venna kawngah Branch YMA te nen thawk hovin hmalak a ni tawh bawk. Tin, faina kawngah hma ala nasa hle a, veng chhung kawngpui dung bawlhhlawh chharfai fo thin a ni.
KTP-te hian Kohhran chhungkua-ah thihna tawk an awmin hun remchangah zai puina/carol a neihpui thin a, ralna thilpek a hlan bawk thin. Tin, damlo natna khirh bik tuar an awmin Committee memberte an in-ah lengin tawngtaipuina an nei thin a, damlo kanna sum pawh pek thin a ni.
Kohhran member zingah Biak In hawnga innei an awmin zaipawl zai thin a ni a, lawmpuina thu ziak (Citation) hlanin programme sheet a siamsak bawk thin. Memberte intihchak tawn nan Sports/Week neih thin a ni a, group hrang hrangte intihsiak in lawmman siam thin a ni a, ruai nen hlim takin hun hman thin a ni. Branch KTP hian tlawhtu a nei nual tawh a, chung zingah chuan Branch hming chauh tarlang ila, kum 2001-ah Bualpui Branch, kum 2003-ah Kolasib Venglai Branch, kum 2009-ah Ramhlun vengthlang Branch, kum 2012-ah Bilkhawthlir Kualmawi Branch. Heng Branch-te hi tlawh in alo fehchhuak ve tawh a- kum 2002-ah Bualpui Branch, kum 2009-ah Thingdawl Venglai Branch, kum 2013-ah Sialsuk Hmunchung Branch.
Central KTP leh Bial KTP atanga tih tur leh mawhphurhna pekte tha takin a tihhlawhtling thin. Tin, Kohhran in tih tur a pekte thahnemngai takin a tihhlawhtling thin bawk.
TLANGKAWMNA :
Branch KTP kum 75-na (Platinum Jubilee) meuh lo thleng ta-ah chuan chanchin sawi tur tam tak a awm ngei ang. Kan tarlan bak pawh chhinchhiahtlak leh ngaihhlut tur tam tak a awm a rinawm. Kan sawi kim seng awm love. KTP din tirh atanga vawiin thlenga min hruaitu Pathian hnenah lawmthu awm rawh se.
A DIN TAN DAN :
Kohhran Committee remtihnain kum 1935 June thla-ah nula leh tlangval ten inkhawmna an nei hrang a, a hmingah ‘Tlangval inkhawm’ tiin an sawi thin. Tlangval inkhawm tih ni mah se inkhwmte chu nula leh tlangval te an ni. Hetih hunlai vel hian nula leh tlangvalte chuan Kohhrana an tih tur an hai lova, thahnemngai takin an mawhphurhnate an thawk thin a ni.
Hun a lo kal zel a, Upa R. Zoduha (L) diary atanga kan hmuh angin, thalai inkhawm anga inkhawmna an neih hmasak ber hun chu August 22, 1941 (Zirtawpni zan) a ni. Thalai inkhawm chungchang Kohhran Committee-in a tuk August 23, 1941 (Inrinni) ah rel zuiin Committee thurel No.4-na ah hetiang hian kan hmu a,
‘Thalai inkhawm (Young People’s Meeting) neih kan remtihpui a, a ngaihtuahtu atan heng mite kutah hian lo awm rih sela kan ti.
(1) Saiduha (2) Saitawna (3) Zoduha (4) Maka (Darmaka) (5) Mangchhuana.’
Thalai pual bik a hranga inkhawm neih Kohhran Committee in a pawm ni August 23, 1941 (Inrinni) hi Kawnpui Chhimveng Branch KTP din tan hun atan pawm a ni. Hetih hun lai hian KTP din a la ni lova, Zoram hmun thenkhat Kohhran-ah Thalai Pawl anga ding pawh an awm ve hlawm. Hun lo kal zel a, ram pum huapin kum 1954-ah KTP din a lo ni ta a, Central KTP Golden Jubilee Souvenir ‘KTP LAMTLUANG’bu-a a lan dan chuan Branch KTP upa ber kan ni. (KTP din anih lai hian Mualvum awm lai a ni a, rambuai avangin kum 1967 ah Kawnpui ah sawikhawm a ni.)
RAWNGBAWLNA LAM :
1. THLARAU LAM RAWNGBAWLNA :
KTP hian Kohhran thatna turin hma lakna kawng hrang hrang a nei thin a, Kohhran hna thawh tihpuitlin anih theihna tur pawhin theih tawpin tan a la thin. Kohhran thlarau lam nun tla hniam tur pawh chawikan dan kawng a ngaihtuah fo thin a, Kum 1972 (Santen vei kum) khan Gospel Camping a buatsaih a, Kohhranin a hlawkpui em em a ni.
KTP member hnungtawlhte leh ruihhlo avanga harsatna tawkte pualin Camping siam a ni tawh bawk a, veng chhunga ruihhlo zuarte in-ah tawngtaina te hman thin a ni. Kohhran hmeichhia-te nen tang tlangin Kristian chhungkaw campaign Kohhran in tinah neih a ni tawh bawk. Kohhran member natna khirh tuar an awmin Br. Committee memberte leng in tawngpuipuina te neiin Pathian thu-a kawmna hun an hmang thin a ni. Kum eng emaw chen atang khan Evangelical Sub-Committee din a ni a, anni hmalakna hian Pathianni zan inkhawm ban apiangin tawngtai rualna neih thin a ni. A tul dan a zirin fehchhuah programme neiin hun an hmang bawk thin. Branch pum huapin Thawhtanni zan inkhawm ban leh Pathianni tlai fellowship-ah tawngtai rualna hman thin a ni bawk. Tin, a tul dan a zirin Pathianni tlaiah chaw nghei tawngtaina neih thin a ni.
Kum 2015 khan Kelkang harhna chhima kal a ni bawk a, hetah hian member 112 zet an kal thei a, Kohhran tan pawh a hlawkthlak hle a ni.
2. RAMTHAR LAM RAWNGBAWLNA :
KTP hian ramthar rawngbawlna hi a ngaipawimawh hle a, hun eng emaw chen atang khan Pathianni tlai fellowship-ah Missionary te pualin tawngtai thin a ni a, tawngtai thupui nghet atan hman a ni. Kawnpui Pastor Bial kan nih lai khan Tuikuk (Bru) naupang chawm lama hmalakna neih thin a ni a. Tin, Bial puma Missionary chawm thin a ni bawk a, hengahte hian sulsutu leh thahnemngai Branch kan ni thin.
Ramthara thawktute thawhna hmun ngeiah te kal chilhin, Kohhran hun pawimawh Krismas leh Good Friday-te hun hmanpui thin alo ni tawh a, tin, fehchhuah rawngbawlna Cachar leh Tripura Mission Field-ah te work camp neih a ni tawh bawk. Ramthar Biak ln sakna turin sum eng emaw zat sen a ni tawh bawk a, Masihi Sangati (Non-Mizo) zingah te pawh rawngbawlna hna thawh tawh thin a ni.
KTP member zingah Missionary a chhuak an awm thei zel a, tunah (Kum 2016) hian Missionary thawk lai 3 (Kum tir report angin) an awm mek a ni. Tin, Branch hmingin Missionary 4 chawm mek a ni bawk.
3. ZAIPAWL LAM RAWNGBAWLNA :
Zaipawl rawngbawlna hi KTP rawngbawlna peng pawimawh tak pakhat a ni awm e. Kohhran Committee in Branch KTP Committee hi Music Committee atan a ring mai thin a, eng emaw chang chuan Kohhran Committee in Music Committee a din chang a awm bawk. Zaipawl member atan KTP member a duh apiang tel thin a ni a, member in ruat chang a awm ve tawh bawk.
Zaipawl rawngbawlna hian Kohhran a tiphuisui a, Kohhran a timawi thin em em a ni. Kohhran mal mai bakah Presbytery leh Bial Inkhawmpui hunah te zai thin a ni a, Presbytery leh Bial huapa intihsiakna a awmin tel thin a ni bawk. Bial huap intihsiakna-ah lawmman pakhatna lak a ni fo tawh bawk. KTP hian Kohhran zai lama hmasawn theihna turin hma alo la fo tawh thin a, vawiin ni thleng hian ngaihtuahna a seng reng thin a ni.
4. SUM TUAK DAN :
KTP a din tirh atangin theih ang tawk leh phak ang tawkin sum tuak thin a ni a. Branch KTP hruaitu hmasa berte zing a mi Pu Saiduha (L) chuan KTP din tirh kum 1941-a an sum tuak dan pakhat a sawi chu, “Sum kan mamawh ve si a, chakai kan chhit a, kan man teuh mai a, hralhna tur kan hre leh si lova, Mualvum lalin min khawngaih a kan chakai man chu Re 1/- in min lei sak a ni,” tiin a sawi. Tunlai hun angah chuan cheng tam tak man a ni awm e. Tunlai hunah sum tuak dan a lo danglam ta a, kan khawsakna leh eizawnna milin sum kan tuak dan pawh a danglam ta hle a ni. KTP memberte Group hrang hrangah in thenin Group budget te ruahman a ni a, Branch huapa inhlawhna te, Faith Promise te hi Branch sum lakluhna hnar ber a lo ni ta.
Heng bakah hian Inkhawm thawhlawm te, Missionary pual thilpekte leh thildang atangin sum lakluhna kawng hrang hrang a awm thei awm e. Pathian khawngaihna a zarah kan mamawh tawk thawkchhuak theiin kan la awm a, memberte thahnemngaihna leh inpekna a vangin Pathian malsawmna kan dawng nasa hle a ni.
5. CHANCHINBU :
March 13, 1994 atang khan Branch chanchinbu ‘Thalai Thian’ tihchhuah thin a ni a, Pathianni tuk a piangin Kohhran in tinah sem thin a ni. Donation hmanga enkawl a ni a, vawiin ni thlengin tluang takin tihchhuah a ni. Tin, Kohhran hunpuiahte Special issue tihchhuah thin a ni bawk. Chanchinbu hi Kohhran mite tibengvartu ber pakhat a ni awm e. Branch in Computer leh Printer leiin chanchinbu buaipui nan leh Kohhran mamawh atan hman thin a ni.
6. RAWNGBAWLNA PENG DANGTE :
KTP hi Kohhran kut ke ber a ni a, Kohhran tihphuisui leh dawmkan hi a rawngbawlna pawimawh tak a ni. Kohhran tan theih ang angin sum leh pai, tha leh tui a seng a. Bungruate leiin Kohhran changtlun theih nan hma a la nasa em em a ni. KTP hna thawh leh bungraw leite hi sawi kim sen a ni awm lo ve.
Kum 2011 atang khan Kohhranin Biak In thar kan sa tan a, Kohhran Committee leh Building Committee ten Br. KTP mawhphurhna leh tih tur hrang hrang a pe thin a, nileng hnatlang te, zing leh zan thlega hnatlang neih thin a ni. Tin, Biak In sak anih tirh atang khan Branch budget ah kum tin Biak In sakna pual pawisa dah thin a ni bawk.
Vantlang tan theih ang tawkin rawngbawlna kalpui thin a ni a, veng chhung thianghlimna kawngah pawh hmalain mimal in-ah te tawngtaipuina hunte alo hmang tawh thin a, sual dona/venna kawngah Branch YMA te nen thawk hovin hmalak a ni tawh bawk. Tin, faina kawngah hma ala nasa hle a, veng chhung kawngpui dung bawlhhlawh chharfai fo thin a ni.
KTP-te hian Kohhran chhungkua-ah thihna tawk an awmin hun remchangah zai puina/carol a neihpui thin a, ralna thilpek a hlan bawk thin. Tin, damlo natna khirh bik tuar an awmin Committee memberte an in-ah lengin tawngtaipuina an nei thin a, damlo kanna sum pawh pek thin a ni.
Kohhran member zingah Biak In hawnga innei an awmin zaipawl zai thin a ni a, lawmpuina thu ziak (Citation) hlanin programme sheet a siamsak bawk thin. Memberte intihchak tawn nan Sports/Week neih thin a ni a, group hrang hrangte intihsiak in lawmman siam thin a ni a, ruai nen hlim takin hun hman thin a ni. Branch KTP hian tlawhtu a nei nual tawh a, chung zingah chuan Branch hming chauh tarlang ila, kum 2001-ah Bualpui Branch, kum 2003-ah Kolasib Venglai Branch, kum 2009-ah Ramhlun vengthlang Branch, kum 2012-ah Bilkhawthlir Kualmawi Branch. Heng Branch-te hi tlawh in alo fehchhuak ve tawh a- kum 2002-ah Bualpui Branch, kum 2009-ah Thingdawl Venglai Branch, kum 2013-ah Sialsuk Hmunchung Branch.
Central KTP leh Bial KTP atanga tih tur leh mawhphurhna pekte tha takin a tihhlawhtling thin. Tin, Kohhran in tih tur a pekte thahnemngai takin a tihhlawhtling thin bawk.
TLANGKAWMNA :
Branch KTP kum 75-na (Platinum Jubilee) meuh lo thleng ta-ah chuan chanchin sawi tur tam tak a awm ngei ang. Kan tarlan bak pawh chhinchhiahtlak leh ngaihhlut tur tam tak a awm a rinawm. Kan sawi kim seng awm love. KTP din tirh atanga vawiin thlenga min hruaitu Pathian hnenah lawmthu awm rawh se.
5th para Branch Upat dan sawina KTP LAMTLUANG a a landan tih hi tuna a update bera thlak mai hi a fu lo maw..a upa ber kan ni tawh sia.
ReplyDeleteNia
ReplyDeleteEdited
ReplyDeleteA lawmawm hle mai
ReplyDelete